BALKAR SELÇUK
ДАХ-ми, абы и 1уэху щ1эк1эми, куэдрэ дытепсэлъыхынукъым. ДАХ-ыр езыр Урысейм и номенлатурэм щыщщ, щыщкъыми – Урысейм и номенлатурэ апаратчикщ. Урысейр зыхуейр черкес лъэпкъым пашэхэр къыхуигъэувыныращ, аращ и 1уэхур. Езыхэри, езыхэм я щытык1эри ябзыщ1къым. “Дэ Путин дриунэ1утщ. Лъэпкъ гупсысэ зетхьэкъым, Урысей номэнклатурэм драпщыл1щ”- жа1эхэр.
Ауэ, ахэм нэхърэ нэхъ щынагъуэу, нэхъ дыхъуэсакъын зыхуейхэр модрейхэращ. Модрейхэр, къуэгъэнап1э фочауэм ещхьхэр. Пэжым хущыт хуэдэу защ1ыу, ф1ым тет хуэдэу защ1ыу. Ауэ ,ухуэсакъыурэ уеплъмэ , ДАХ-м нэхърэ нэхъ губзыгъэу , абы нэхърэ нэхъ зэранхэу зы еплъык1э щы1эщ.
Хэхэсыр ямыгъэпсэлъэн, хэхэсыр ауэн ящ1ын, хэхэсым хуэщ1энэк1эн, хэхэсыр зырамыпэсыныр – псори ахэм я 1уэхущ.
Дэ зыгуэр жыт11эмэ, –”Уэлеи, хэхэсрэ пэт мэпсалъэ!”- жа1э.
“Мыр мыпхуэду хъун щхьэк1э, дауэрэ хъун?”- жыт11эмэ, “уэлеи хэхэсырэ пэт мэгупсысэ!”- жа1э.
“Дэ ды -хэхэсщи, ди унафэр Урысей Къаралыр щхьэ ищ1ын хъуей,
дэ ды -дэхэсщи , ДАХ сытк1э кытщхъэпэн хуей жып1эмэ,
-“Еплъыт мы хэхэс мыгъуэхэм ,хэхэсрэ пэт” …жа1эри, ит1ани пагъув мис мы псалъэхэр:
(- АдэкIэ зыбогъазэри нэгъуэщI гуп гуэрхэр итщ утыкум, и Iэпэр хэт иIыгъми и къуагъым хэт къыкъуэтми умыщIэу, я лэжьыгъэхэм гурыщхъуэ щапхъэр гъунэжу къыщыплъагъу.
Ахэри зэпымыу мча’м мыр ищIащ мор ищIащ жаIэурэ, утыку илъ къуэншагъэхэм мыхъумыщIагъэхэм теуджыхьурэ езыр зыхуем дырашэлIэну иужь итхэщ.
КIэщу жыпIэмэ, лъэныкъуитIыми зым адрем и къэншагъэр къигъэлъагъуэурэ езым я гупщысэкIэр захуэу “къытщагъэхъуну” иужь итхэщ. Пэжыр жысIэнщи мыхэм зыр щымыIэмэ адрери щыIэнукъым, тIури зыр зым и къуэншагъэм хуеныкъуэуращ утыкур яIыгъыфын папщIэ.
Ауэ псэуми къащыгъупщэр мыращ : Уи щIыб лъэпкъыр къыдэмытмэ, къепхьэжьа Iуэхур лъэпкъым къыбдимыIыгъмэ уздынэсын щыIэкъым.
Дэ ди Iуэху дэкIынумэ, ди къару дыщыгугъыжу дэ езым зэфIэтхын хуещ, нэгъуэщIым къытхуищIэн щыIэкъым.Мыр нобэ къыдгурыIуауэ щытын хуещ дунейм къыщыхъу къыщыщIэмкIэ.
Амэрикан политикэ мыхъумыщIэхэм дызынихьэсын зэрыщымыIэм хуэдэкъапсу, москва деубзэ дебзейкIэ абыи къытхуихьын щыIэкъым. Ди щхьэ зэрыдгъэпудыжамкIэ дыкъэнэжынущ.
Сэ согугъэ иджыри сыт имыщIэми езым и лъэпкъым зыригъэщIурэ Адыгэ Iуэху зэзыхуэн цIыхухэр къытхэту, мы лъэпкъым апхуэдэ бынхэр иIэу.Утыку къыщихьапхъэм, захуэр щыжыIыпхъэм, москвам къезэгъыми западым къыхуагъэувами емыплъу, и лъэпкъым къезэгъыр ипэ иригъэщыфу. Aпхуэдэхэр щыIэу ялъагъумэ лъэпкъми къыдаIыгъынущ дэтхэнэ Iуэхури.[1])
Ищхъэм фызэджэ текстыр зытхар Бабыгу Ергун и ц1эу Хэкум эыгъэзэжахэм щыщ гуэрщ. Дэ -“Украинэ къэралыгъуэм, черкес льэпкъым и щхьэ гэноцид къызэрырик1уар, ар зыщ1ари Урысеир зэрыарамк1э мыбы 1э тевдзэ!”- зэрыжыт11ам папщ1э, Бабыг Ергун мыращ къыджи1ар: <-АдэкIэ зыбогъазэри нэгъуэщI гуп гуэрхэр итщ утыкум, и Iэпэр хэт иIыгъми и къуагъым хэт къыкъуэтми умыщIэу, > Ауэ, дэ хэт и 1эпэр дубыдами , хэт ди гъусэ тщ1ами, ахэм я ц1эхэр хэту тхылъ хуэттхащ Украинэм. Дызыхуер дыгъэгъуэти, ирыреплъ, хэт дыригъусэмэ!
Ит1анэ, дэ ди 1уэхур махуэ псоми ДАХ и 1уэху щ1эк1эм псалъэ хъуэддзыныракъым. Ауэ, ДАХ-м хэт дэтхэнэ нэрыбгэм хуэдэуи, дэри ды- черкесщи, дэ ДАХ-ми, езы КАФФЭД-ми ,тхэмадагъэр зэра1ыгъ щ1ык1эр, я 1уэху щ1эк1эр дигу ирихькъым. Абы адэк1э, дэ ди деж т1ури Урысейм и апаратчикхэщ. Бабыг Ергун: <- Ахэри зэпымыу мча’м мыр ищIащ мор ищIащ жаIэурэ, утыку илъ къуэншагъэхэм мыхъумыщIагъэхэм теуджыхьурэ езыр зыхуем дырашэлIэну иужь итхэщ.> ДАХ-ыр зыщ1ып1э иращ1ыл1эныракъым дэ дызыхуер. Дэ дызыхуейр 1уэху мыхъумыщ1э ирагъэк1уэк1ахэр зэрыдымыдэр едгъэлъэгъуныращ.
Зыкъуэмрэ псэлъа нэужъ, Бабыгу Ергун езым и губзыгъагъэр нэхъ къыхегъэщ, мы псалъэр етх: <-Ауэ псэуми къащыгъупщэр мыращ : Уи щIыб лъэпкъыр къыдэмытмэ, къепхьэжьа Iуэхур лъэпкъым къыбдимыIыгъмэ уздынэсын щыIэкъым.> Хэт и щ1ыб хэт дэтми, лъэпкъыр хэт и гъусэ хъунуми, ар Тхьэм ещ1э, ауэ дэ мыдэ зетхьэр популизм 1уэхъукъым. “Лъэпкъыр дигъусэну п1эрэ?”- жыт1эу деплъыфынукъым. Ит1ани, дэ ди лъэпкъым и гъусэу 1уэху куэд утыку итлъхьэрэ пэт, езы Бабыгу Ергун ,абы щыгъуэ къытхэтын дэнэ къэна- дэ къыджимы1эжа псалъэ дыдж къанатэкъым.
Дэ, Анкара къалэм митинг щедгъэк1уэк1ым,
Дэ Истанбул къалэм митинг щедгъэк1уэк1ым,
Дэ Къайсэр къалэм митинг щедгъэк1уэк1ым,
Дэ Ахлат къалэм митинг щедгъэк1уэк1ым,
Мыхэм щыгъуэ сытыт Бабыгу Ергун зыри щ1ыжимы1эр? Дэнэт ар здэщы1ар?
КАФФЭД и 1эпэр иубыдауэ, ДАХ и къуагъым дэтт. Иджыри ахуэдабзэщ. Ауэ ари пэжщ, ухэхэсмэ- сыт и лъэпкъ ? Дыхэхэс мыгъуэщ дэ. Зи напэр ди гъащ1эм дымылъэгъуа ДАХ и тхъэмадэ Хьэутирэ, ди зэхуэсхэм игъащ1эм къэмык1уэ КАФФЭД уимыгъусэмэ, сыт уи лъэпкъ!!?
Адэк1э- дэ дунейм ди закъуэ дытеткъым. Дэ черкесхэм нэмыщ1, дунейм милярд бжыгъэ куэд хъуы ц1ыху, лъэпкъ тетщ. Адрей лъэпкъхэм уи проблэмэхэр хуэп11уэтэным сыт и лажъэр? Мис- журтхэм я щхьэ геноцид кърик1уати -дунейм тет къарал зыкъуом, “мы геноцидыр дэ къыдощтэ, нэмыцэхэр журт лъэпкъым геноцид иращ1ыл1ар додэ” – жа1ащ. Дэ, черкес лэпкъым и щхьэ къырик1уэ геноцидыр Куржым идамэ, Украинэм идэну щытмэ, сыт фэ мыбы фигу иримыхьыр? Фэ:<Дэ ди Iуэху дэкIынумэ, ди къару дыщыгугъыжу дэ езым зэфIэтхын хуещ, нэгъуэщIым къытхуищIэн щыIэкъым. Мыр нобэ къыдгурыIуауэ щытын хуещ дунейм къыщыхъу къыщыщIэмкIэ.> жыво1э. мы псалъэхэр сыт жыт11эу дымыдэнрэ? Мис т1э утыкур. Черкес лъэпкъым и къарук1э геноцидыр Урысейм и Парламэнтым къыщихьыфрэ?
Хьэуэ.
Къихьыфыну?
Хьэуэ.
Ар дэнэ къэна !
Мис- Сирием щыщ черкесхэр Тыркум икъухьауэ дэсхэщ. Щхьэ иджыри къэс Хэкум зы ц1ыху закъуэ къыхэмык1арэ, къэралым щыщу –”Мы ц1ыхухэр ди лъэпкъэгъущ, мыхэр щыпсэун хуейр Хэкуращ”- жи1эу, щхьэ къэмык1уэфарэ? Украинэм щыщ урысхэр Къэбэрдейм, Адыгэйм из зыщ1хэр-щхьэ къыхэк1ыу Тыркум икъухауэ дэт минипл1 хуэдиз черкесым и гугъу ямыщ1арэ?
Бабыгу ищхьэм щыжимы1эр, ик1эхэм дей же1эр:
<Амэрикан политикэ мыхъумыщIэхэм дызынихьэсын зэрыщымыIэм хуэдэкъапсу, москва деубзэ дебзейкIэ абыи къытхуихьын щыIэкъым. Ди щхьэ зэрыдгъэпудыжамкIэ дыкъэнэжынущ.> Флагъурэ Бабыгу Ергун и гупсысэр здынэсыр? Иджыри къэс зи гугъ имыщ1арэ пэт, и гум имык1 псалъэр же1эр. <-Амэрикан политикэ мыхъумыщIэхэм дызынихьэсын зэрыщымыIэм хуэдэкъапсу, > Урысейм техуауэ жи1ахэр къыдгууро1уэр, ауэ дэнэ къик1ырэ мы Амэрикэ политикэ мыхъумыщ1эхэр? Хэт а политикэхэр зыгъэз1ащ1эр?
Хьэмэрэ Амэрикэра черкесхэм геноцид езыщ1ыл1ар?
Хьэмэрэ Амэрикэра черкесхэр и Хэкум изыхуар?
Хьэмэрэ Амэрикэра черкесхэр дзэшхуэк1э зы1ыгъыр?
Засс хуэдэ, Веляминов хуэдэ гэнэралхэри Амэрикэм щыщыу п1эрэ?
Бабыгу Ергун губзыгъэщ. ДАХ-м мыпхуэду пропагандэ игъэщ1эми ищ1ыфынутэкъым, ди ц1эр жимы1эу дэ тхуэдэхэр Амэрикэ 1уэху зирагъэк1уэк1 хуэдэу утыку ирилъхьэу, мохэр Урысейм епхамэ -мыхэри Амэрикэм и пэшэгъухэщ- жи1эу игъэлъагъуэу.
Дэ апхуэдэхэм десащ. Зэм Амэрикэм и пэшэгъу дащ1, зэм Куржым, зэм Тыркухэм драгъусэщ, ауэ дэ зейк1 езыхэм хуэду черкес защ1э дыхъуфкъым, езыхэм я лъэпкъым щыщ дыхъуфкъым.:<- Сэ согугъэ иджыри сыт имыщIэми езым и лъэпкъым зыригъэщIурэ Адыгэ Iуэху зэзыхуэн цIыхухэр къытхэту, мы лъэпкъым апхуэдэ бынхэр иIэу.Утыку къыщихьапхъэм, захуэр щыжыIыпхъэм, москвам къезэгъыми западым къыхуагъэувами емыплъу, и лъэпкъым къезэгъыр ипэ иригъэщыфу. Aпхуэдэхэр щыIэу ялъагъумэ лъэпкъми къыдаIыгъынущ дэтхэнэ Iуэхури.>
Мыбы сыт жыт1эн? Пэжщ, лъэпкъым къыбда1ыгъынщ, шык1эпшынэ уеуэу утыку укъихьэмэ, Абдзэх зек1уэм и уэрэдым уеуэу угъмэ- уигъусэу зэгуэрхэри гъынщ, ауэ ди лъэпкъыр дэнэ фхьа? Мы ефщ1эр геносидщ- щыжып1эмэ, мис абы щыгъуэ, Ахъуэхъу Андзор хуэдэу утыкум укъинэнщ уи закъуэу…
Сытыми: ДАХ-м и гъуэгури, КАФФЭД-м и гъуэгури, абы адэк1э нэхъыбэ1уэу паупщ1ынухэщ.
Мы зэм ди шабзэшэм и к1уэк1эр фигу ирихъа?
Фигу иримыхьамэ къык1элъык1уэхэм феплъ!!
__________________________
1 http://www.aheku.org/news/policy/5875
2 http://www.cherkessia.net/galeri.php?gallery_id=8
3 http://www.marksist.org/haberler/3455-ikinci-cerkes-haklari-mitingi-yarin-istanbulda-gerceklesecek
4 http://www.youtube.com/watch?v=_P9vzSds9ak
5 http://www.ozgurcerkes.com/?Syf=18&Hbr=526204&/12-May%C4%B1s-Pazar-g%C3%BCn%C3%BC,-Bitlisin-Ahlat-il%C3%A7esinde-yerle%C5%9Fik-%C3%87erkeslerin-kat%C4%B1l%C4%B1mc%C4%B1-oldu%C4%9Fu-miting-ve-salon-toplant%C4%B1s%C4%B1yla-%C3%87erkeslerin-toplumsal-talepleri-dile-getirildi.
Post Views: 5